‏حوارات هادئة وصريحة جداً's Facebook Wall‏

Bassam Al-Baghdady's Facebook Wall

مفيش ربنا !!!!!؟؟؟؟؟

الجمعة، 17 تموز، 2009

Post #1
2 replies
دار القراءة (Arab Open University) wroteon July 17, 2009 at 12:18am
جدلا موافق
لكن نفسى اعرف
امتى عرفت
امتى تاكدت
شفت ايه
حسيت بايه
ايه اللى حصل
خلاك تتاكد بعدم وجود ما يسمى - الله
بل وبكونه خرافه
عاوز موقف
اكدلك من جواك
ان مفيش ربنا
بدون ذكر ايات قرءان
او انجيل
او توراه
او اى كتب يقال انها سماويه
عاوزين موقف حقيقى
من الحياة العمليه
تاكدت بعده
ان الموضوع فعلا اشاعه
ولولا اختلاف الاذواق لبارت السلع

حبى واحترامى
Post #2
1 reply
Ahmed Mohamed Al Baghdadi (Denmark) replied to دار's poston July 17, 2009 at 12:44am
هو مفيش شئ أثبتلي عدم وجوده الله
انما مفيش شئ أثبتلي وجوده
وكل العبثيه الموجوده وعدم منطقيتها في ظل وجود هذا الخالق العاقل
يعني ما فرقه عن الطبيعه الغير عاقله مثلا
لما تأتي زلازل وبراكين وفيضانات وامراض وكوارث وسرطانات ومجاعات تصيب البشر وتهلك عن بكره أبيهم
ده شئ غير منطقي ابدا
لما ننسبها للطبيعه فهي غير عاقله وعشوائيه
اما الله على فرض وجوده ازاي يعمل كده وما سبب اختفائه ؟؟متقوليش حكمه واختبار وصبر .....الخ
ده كلام مش مقتنع بيه
اضافه الى اسباب فلسفيه كالتي تطرقنا ليها بالموضوع
اضافه الى كون الاديان غير مقنعه وكلامها لا يلائم عصرنا
وخطأ علميا
________________
لما تحترم القانون والانسانيه مش محتاج لشئ انت مش شايفه ولا بتعرفه ولا حاسس بيه ينظملك حياتك
الانسان وصل مرحله من الوعي والثقافه والتحضر يستطيع بها ان ينظم حياته بدون خوف من وهم
فاالله هو شيء من اختراع البشر وجده لتنظيم حياته وفق قوانين معينة
تتناسب مع أحوالهم وأفكارهم وتناسب مصالح سادة هؤلاء الاقوام

تحياتي
Post #3
1 reply
دار القراءة (Arab Open University) wroteon July 17, 2009 at 1:03am
يعني ما فرقه عن الطبيعه الغير عاقله مثلا
============================
اتفقنا ان الطبيعه الغير عاقله
ممكن تعمل حاجه صدفه
او اثنين
او
1000
ولكن متقدرش تعمل مليارات المليارات من الارتباطات الموجوه فى الكون المنظور والتى منها مثلا ان فاكهة الصيف فى بلادى مصر بطيخ وعنب وكلها فاكهة ذات كمية كبيرة من الماء التى يحتاج اليه جسم الانسان
وفى الشتاء يكون البرتقال واليوسفى والجوافه وكلها مليئه بفيتامين سى مثلا اللى له تاثير واضح فى نزلات البرد لدى الجميع انا شايف ان ده مش ممكن يكون صدفه
انا شايف ان ارتباط مقصود
لان الصدفه ايضا لها قوانين
لو قالو انك وانت بتكتب على الكىبورد بدون ماتشوف وبطريقه عشوائيه
كتبت 10 الاف حرف
بشكل عشوائى
ممكن يطلع منهم اسم واحد صاحبك صدفه
ولكن انها تطلع قصيده لشكسبير مثلا
صدفه صعبه شويه

وتناسب مصالح سادة هؤلاء الاقوام
======================
انا بس عاوز اعرف
رساله موسى كانت تناسب فرعون
او عيسى كانت تناسب الرومان
او محمد كانت تناسب ساده قريش ومخزوم
دى بقه بجد
عجبى
شكرا
Post #4
دار القراءة (Arab Open University) wroteon July 17, 2009 at 1:15am
لما تأتي زلازل وبراكين وفيضانات وامراض وكوارث وسرطانات ومجاعات تصيب البشر وتهلك عن بكره أبيهم
ده شئ غير منطقي ابدا
==============================================
زلازل وبراكين
ادعوك اخى الكريم لقراءة اى موسوعة عامة
اى موسوعة عامة
ورلدبوك
بريتانيكا
ليكسيكون
امريكانا
لتتاكد وتندهش حين تقرا ما يقال فيهم
من فائده
والسرطانات والمجاعات
انا وانت متاكدين
من داخل انفسنا
انها من صنع البشر

شكرا
Post #5
دار القراءة (Arab Open University) replied to Ahmed's poston July 17, 2009 at 1:26am
لما تحترم القانون والانسانيه مش محتاج لشئ انت مش شايفه ولا بتعرفه ولا حاسس بيه ينظملك حياتك
========================================
لا محتاج
محتاج حد يقولى الشمس بتطلع ليه كل يوم الصبح
تنور الدنيا
كل يوم يا اخى
مغلطتش مره
بتدينى فرصه
اخرج
اشتغل
اتعلم
اكسب صداقات
ومعارف
ويوم طويل عريض
بصحى كل يوم الاقيه
مين اللى بعته؟؟؟
وليه
وانا عملت ايه علشان الاقيه

وشكرا
Post #6 by Mao Mao Al-Sadi was marked as irrelevant.Show Post
Post #6
Mao Mao Al-Sadi wroteon July 17, 2009 at 3:10am
???????????

علواهس هع هع
Post #7
1 reply
Ahmed Mohamed Al Baghdadi (Denmark) replied to دار's poston July 17, 2009 at 3:07pm
الصدقه والله وجهان لعمله واحده
أنت ترفض وقوع الصدفه في الطبيعه وتصدق بنقس الوقت ان الله وجد بالصدفه وهكذا من دون مسبب!..يعني قعد من النوم لقى نفسه الله هكذا بالصدفه ولما نناقش ستقولون الجمله الذهبيه التي سمعناها مرارا بأن الله خالق والخالق لا يمكن ان يكون مخلوق ...بلا بلا بلا ....الخ من السلسله الغير مقنعه والخاليه من دليل
------------------------------------------------
هل الله متقصد بابعاثه الزلازل والبراكين والفيضانات واهلاكه للمساكين الذين لا حول لهم ولا قوه
هل تريد ان تقنعني بان الله المطلق الكلي القدره عاجزا على حسب قولك بانها هذه الظزاهر الطبييعه مفيده مثلا
فهل الله عاجزا على ان يفيد عباده وارضه الا بهذه الطريقه البشعه
ما فرقه عن الطبيعه الغير عاقله ؟؟
هل تفهم سؤالي ام لا يا عزيزي ؟؟
الله مطلق كلي القدره وهذه الافعال لا تنم عن كيان مطلق القدره فهو عاجز عن افاده عباده الا بطرق وجشيه تهلك عباده المستضعفين
_____________________
مسأله الفواكه الصيفيه والشتويه
أنت وغيرك يا صديقي
تنسبون الاشياء الجيده في الطبيعه الى قدره الله ..وتقولون سبحان الله!!!!ه
ولما نناقشكم بالسلبيات الموجوده تردون بأجابات غير مقنعه أبدا
من نوع أختبار وصبر.. واخر وحده منك وجديده على الشاشات الالكترونيه هي ان الله يريد خيرا للبشر بهذه الكوارث
ونعم الفائده من تسونامي وزلزال المسكيك المدمر وتركيا وغيرها من الكوارث المأساويه
أو انكم وبطريقه عجيبه يا صديقي تنسبون السرطانات والامراض الفتاكه الى الانسان
فعلا عجبي
الله والصدفه وجهان لعمله واحده
....................
بخصوص رسائل فرعون وموسى وعبسى وصلعم لم افهم صراحه ماذا تقصد
لك مني كل الود والتقدير
عذرا لتأخر الرد بالرجاء ريبلاي صديقي العزيز
شكرا
Post #8
1 reply
دار القراءة (Arab Open University) replied to Ahmed's poston July 17, 2009 at 6:58pm
الصدفه والله ليسو وجهان لعمله واحده
==========================
الصدفه ممكنه الحدوث
والعقل المنطق يقبلها
كصدفه
كمرة واحده
او 1000
لكن مش من كذا مليون سنه كل يوم صدفه
وعلشان تعرف تضخم الصدفه ازاى يتنافى مع العقل
لو فى واحد اعمى
وقالولك انه رمى ابره خياطة
صغيره من الشباك فوقعت فى كوب ملقى فى الشارع
صدفه طبعا لانه اعمى
وممكنه الحدوث وليست بالمستحيله عقلا
ولكن لو قالة انه رمى ابره تانيه ووقعت فى عين الابره الاولى
مش فى الكوب وبس
لا فى عين الابره الاولى
ورمى واحدة ثالثه
وجت فى عين التانيه
وهكذا لحد عشره فقط
ممكن تحصل؟؟
وماذا لو قالو ان الابر العشره
كانت مرقمه
وانه كان بيختار الابره اللى مكتوب عليها واحد صدفه
واختار الابره اللى مكتوب عليها اثنين صدفه
ورماها فجت فى عين الاولى صدفة
واختار اللى مكتوب عليها 3 صدفه
وهكذا
لحد 10
تفتكر ان ممكن صدفه سعيده زى دى ممكن تحصل عقلا
وده فى 10 ابر
عارف هو عاوز كام محاولة علشان يحصل ده صدفه

قيس المثل ده على على كميه العظام فى اذن قط
وعددهم
وتركيبهم
وملائمتهم لدورهم
وهل ممكن يكونو راكبين كده فى القط صدفه

يعنى قعد من النوم
============
لو كان بينام ماكنش فى حد ينظم مرور المجره بتاعتنا وكنا خبطنا فى حد من اللى بيلفو معانا بقالهم كذا مليار سنه بدون مانخبط فى بعض صدفه عمياء

اما عن موضوع الزلازل والبراكين والتسونامى والعواصف والفيضانات والبرق والرعد
=============================================
برجاء من فضلك ارجع لاى موسوعه من اللى قلتلك عليهم وقولى قالو ايه عن سبب وجودهم وفؤائدهم للارض ارجوك ارجع وقولنا هما كلهم موجودين على النت واعتقد ان فى منهم مجانا
بريتانيكا دائرة المعارف البربطانيه
امريكانا الموسوعه المعتمده فى امريكا
لاروس الفرنسية
اى دائره معارف عامة


بخصوص رسائل فرعون وموسى وعبسى وصلعم لم افهم صراحه ماذا تقصد
============================================
قلت فى ردك السابق
فاالله هو شيء من اختراع البشر وجده لتنظيم حياته وفق قوانين معينة
تتناسب مع أحوالهم وأفكارهم وتناسب مصالح سادة هؤلاء الاقوام
========================================
وتناسب مصالح ساده هؤلاء الاقوام
وسؤالى هل كانت دعوة موسى تناسب مصالح فرعون
او دعوه عيسى تناسب مصالح الرومان
او دعوة محمد تناسب مصالح وتجارة قريش وعز مخزوم

عزيزى
انت ماجوبتش سؤالى
محتاج حد يقولى الشمس بتطلع ليه كل يوم الصبح
تنور الدنيا
كل يوم يا اخى
مغلطتش مره
بتدينى فرصه
اخرج
اشتغل
اتعلم
اكسب صداقات
ومعارف
ويوم طويل عريض
بصحى كل يوم الاقيه
مين اللى بعته؟؟؟
وليه
وانا عملت ايه علشان الاقيه

وشكرا
مودتى واحترامى
Post #9
Ahmed Mohamed Al Baghdadi (Denmark) replied to دار's poston July 17, 2009 at 7:08pm
ما علاقه الصدفه التي تتكلم عنها والطبيعه والله بمثال الابره والاعمى
ومتى قلت انا مثل هكذا كلام يا عزيزي ؟؟؟
افالصدفه التي يتكلم بها العلم ليست كما تتصورها انت
.............................
اكرر مره اخرى
هل الله عاجز عم افاده البشر او الارض والطبيعه الا باهلاك الناس الابرياء ؟؟
لماذا لا ترد
...........................
ان العلم من بثول لا الله
الانسان بفكر ويكتشف ويصل
الله لم يقل لنا اي شئ بينما الانسان هو من توصل الى كل ما يعرفه عزيزي
شكرا
تحياتي
Post #10
1 reply
دار القراءة (Arab Open University) wroteon July 17, 2009 at 7:28pm
ما علاقه الصدفه التي تتكلم عنها والطبيعه والله بمثال الابره والاعمى
=========================================
علاقة وثيقه
لان ممكن اصدق انى موجود صدفه
والشمس صدفه
والقمر
بمواعيدهم
وكميه الهرمونات والمواد الكيميائية التى يفرزها جسمى بمقدار محدد
صدفه
وفاكهه الصيف والشتا صدفه
وان ورقة شجره التوت بالمواصفات بتاعتها وطريقه غذائها ونموها
صدفه
وان الصدفه خلقت الشجر بياخد ثانى اكسيد الكربون ويعطى اكسجين
صدفه
والانسان بياخد الاكسجين ويطلع ثانى اكسيد الكربون بالاسم كده
صدفه
--------------------------------------------------------------------------
لو كل ده ممكن صدفه يبقى الولد الاعمى ممكن يدخل الابر صدفه

---------------------------------------------------------------------------

هل الله عاجز عم افاده البشر او الارض والطبيعه الا باهلاك الناس الابرياء
============================================
فى اعتقادى ان الله لا يعجز
زى ما جسمك بيعجز عن طرد الميكروب الا بالسخونه
انتى شايف انها سخونه
وغلط
ومضره
ولكنها مفيده من حيث لا تعلم

وشكرا
Post #11
1 reply
Fankoosh Mohamed replied to دار's poston July 17, 2009 at 8:18pm
زى ما جسمك بيعجز عن طرد الميكروب الا بالسخونه
-------------------------------------------------------------

مفيدة إزاى يعنى يا عم الحاج ؟؟
Post #12
1 reply
دار القراءة (Arab Open University) replied to Fankoosh's poston July 17, 2009 at 8:21pm
السخونه بتقضى على الميكروب
تبقى مفيدة يا عم الحاج
Post #13
1 reply
Fankoosh Mohamed replied to دار's poston July 17, 2009 at 8:23pm
يا راجل

يعنى البيضة الأول ولا الفرخة ؟

يعنى ربنا دلوقتى سخنان ؟ إديلوا قرص بنادول
Post #14
1 reply
دار القراءة (Arab Open University) replied to Fankoosh's poston July 17, 2009 at 8:24pm
وابعد عنه علشان العدوى
Post #15
1 reply
Fankoosh Mohamed replied to دار's poston July 17, 2009 at 8:26pm
من عنيا

بس المشكلة انه غتيت قوى كل ما أبعد عنه يروح باعتلى الزباين بتاعته يقرفونى
Post #16
1 reply
دار القراءة (Arab Open University) replied to Fankoosh's poston July 17, 2009 at 8:35pm
نصيحة
ابعد كمان
وحاول تخليه ميعرفش مكانك
وشكرا
وبرجاء الالتزام بموضوع النقاش
وشكرا تانى
Post #17
1 reply
Fankoosh Mohamed replied to دار's poston July 17, 2009 at 10:04pm
هو لا يعرف مكانى أصلا وبدون أية محاولات

بخصوص موضوع النقاش فقد حولت أن ألتزم به ولكن ربك منعنى
Post #18
1 reply
دار القراءة (Arab Open University) replied to Fankoosh's poston July 17, 2009 at 10:10pm
ازاى منعك
وهو مش عارف مكانك

ولو مش عاوز تلتزم بالموضوع

افتح موضوع تانى

وشكرا
Post #19
1 reply
Fankoosh Mohamed replied to دار's poston July 17, 2009 at 10:12pm
صح عندك حق

يبقى عرف مكانى ابن الأيه
Post #20
دار القراءة (Arab Open University) replied to Fankoosh's poston July 17, 2009 at 10:16pm
حاول تتنكر
ركب دقن
وهو مش هيعرفك
ولو حد قاله مش هيصدق
انك بدقن
صدقنى متجربة
Post #21
1 reply
Helm Mesr حـلم replied to دار's poston July 18, 2009 at 3:23am
الأزمة في فكرة تصديق وجود "الله" عن يقين حقيقي وليس على سبيل الاحتياط ، هي ازمة كبيرة جدا

1- اشكالات فلسفية منطقية في افعاله وردود افعاله بما يتناقض مع صفاته التي ارودتها لنا الكتب المقدسة المتاحة بين ايدينا
وهذه نقطة شرحها يطول وقد تمت مناشقتها على الجروب هنا وعلى غيره من المجموعات الحرة الفكر،، قد اسهب في شرحها لو لديك تساؤل محدد حولها

2- فكرة " الله" من المفترض ان تكون هي غاية الدنيا وهي سر وجودنا ومطالبين تماما باليقين بها، ومع ذلك فالادلة الحقيقية على وجودها هي ادلة في منتهى الضعف بالمقارنة بالفكرة... الادلة كلها عاطفية نتجت عن التربية الدينية منذ الصغر وعدم تصور فكرة بديلة كالصدفة والتجريب الغير عاقل وصولا للتطور

3- بدلا من ان يتحتم عليك اليقين بوجود "الله" دون ان تراه اوتلمسه، فأنه محتم عليك ايضا ان تؤمن بمحمد وبعيسى وبموسى الخ دون ان تراهم او تسمع منهم بنفسك!!! يعني المعضلة ليست في الله العظيم الذي لا يرى وحده... المعضلة الآن في مخلوقات هم بشر مثلك لكن ماتوا من الاف السنين ولهم احاجي اشبه بالاساطير يتناقلها الناس عنهم...ومع ذلك عليك ان تصدق بل وتتقين،، بل وان لم تتيقن فالله العادل العليم اللطيف سيصليك نارا خالدا فيها ابدا!! بأي منطق نؤمن بهذا ال الله وكل حاشيته من ملائكة ورسل وكتب حتى وان لم نرى شيئا منها هي الاخرى،، وفيما كان بعث الرسل كدليل ونذير اذا كنا لن نحظى كلنا كبشر بالتحدث اليهم والسماع منهم؟؟؟؟

انتظر ردك على نقاطي الفائتة لأكمل!! فالادلة المنطقية على ان "الله" خرافة تناقلتها الاجيال هي اكثر كثيرا من الادلة العاطفية على وجوده
Post #22
1 reply
دار القراءة (Arab Open University) replied to Helm's poston July 18, 2009 at 3:06pm
دون ان تراه اوتلمسه،
=============
دخلت مطعم
عجبنى
قلت الرجل ده صاحب المطعم عنده ذوق فى الديكور
وذوق فى الاكل
واعتقد انه بيكره اللون الاحمر لان مفيش حاجه حمره فى المطعم
كل ده من مجرد دخولك المطعم
بدون ان ترى صاحبه

وفيما كان بعث الرسل كدليل ونذير اذا كنا لن نحظى كلنا كبشر بالتحدث اليهم والسماع منهم؟؟؟
=============================================
السنه المحمديه لم تترك ساعة فى عمر الانسان لم تتكلم عنها
ولم تقول نعمل ايه فيها
واالى عاوز يسمع منهم يقرا عنهم

خالص احترامى
Post #23
Bronia Gaston replied to دار's poston July 18, 2009 at 3:23pm
دون ان تراه اوتلمسه،
=============
دخلت مطعم
عجبنى
قلت الرجل ده صاحب المطعم عنده ذوق فى الديكور
__________________________________________________________

عزيزي تراه أو تلمسه تعني أي طريقة منطقية للاستدلال و ليس فقط الرؤية و اللمس.
هاتوا لنا و لو ربع دليل على وجود الله. إن شاء الله معادلة رياضية
********

يعني مثلاً أنت تعرف بالقياس أن لكل مطعم صاحب و أن صاحب المطعم هو من يقوم باختيار زينة مطعمه و ليس الجرسون أو طباخ المطعم
و بناء على هذا بنيت استنتاجاتك بخصوص ذوق صاحب المطعم

و لكن نحن أصلاً ليس في علمنا أن لكل كون خالقاً.
هو كله كون واحد اللي حيلتنا و ليس عندنا اي كون آخر ذو خالق أو بدون خالق نقيسه عليه

مش المفروض يكون عندنا دليل على وجود خالق للكون أولاً قبل أن نشرع في استنتاج ذوق هذا الخالق من ديكور الكون بتاعه؟



السنه المحمديه لم تترك ساعة فى عمر الانسان لم تتكلم عنها
ولم تقول نعمل ايه فيها
واالى عاوز يسمع منهم يقرا عنهم
_________________________________________________________________
يا عزيزي لا نريد أن نسألهم عن تفاصيل حياتنا و كيف ننام مع زوجاتنا و كيف ندخل الحمام

نريد أن نسألهم الأسئلة التي نتساءلها اليوم في هذه المجموعة عن الله الذين يدعون أنه أرسلهم، عن التصرفات الغريبة و اللا أخلاقية التي قاموا بها، عن الأحكام المشينة الواردة في أديانهم، نريد أن نطالبهم بالمعجزات (شق البحر و إحياء الموتى) و نناقشهم فيها و نختبر مدى صحتها و أنها ليست خدع بصرية مثل ثعابين سحرة فرعون، نريد أن نسألهم عن الوحي الذي يأتيهم و كيف عرفوا أصلاً أنه ملاك و ليس شيطاناً متنكراً في صورة ملاك، نريد أن نأخذ محمداً إلى عيادة طبيب الأعصاب و الطبيب النفسي لكي نتأكد أن ما لديه ليس مجرد مرض الصرع و بعض الهلاوس السمعية و البصرية بزيادة القليل من النرجسية و حب السيطرة

تحياتي لك
Post #24
1 reply
دار القراءة (Arab Open University) wroteon July 18, 2009 at 3:41pm
عن التصرفات الغريبة و اللا أخلاقية التي قاموا بها،
==============================
مثال واحد او اثنين من فضلك

و كيف عرفوا أصلاً أنه ملاك و ليس شيطاناً متنكراً في صورة ملاك،
======================================
وهل فى شيطان يقول لا تقربو الزنى
او يقول الله محبه

نريد أن نأخذ محمداً إلى عيادة طبيب الأعصاب و الطبيب النفسي لكي نتأكد أن ما لديه ليس مجرد مرض الصرع و بعض الهلاوس السمعية و البصرية بزيادة القليل من النرجسية و حب السيطرة
==============================================
عملوها قبلك كتير
ولما درسو سيرته ودرسو بعقل محايد
مش اى دراسه
ناس منهم قالت انه من اعظم 100 شخصيه فى العالم

مودتى للجميع
Post #25
Bronia Gaston replied to دار's poston July 18, 2009 at 3:53pm
عن التصرفات الغريبة و اللا أخلاقية التي قاموا بها،
==============================
مثال واحد او اثنين من فضلك
______________________________________________________________
ارشيف المجموعة ملئ بهذه الأمثلة يا عزيزي

خذ عندك مثلاً زواج محمد من صفية بنت حيي الذي هو اقرب للاغتصاب من الزواج في نفس يوم قتله لزوجها و أبيها و أخيها

خذ عندك مثلاً قتل محمد لأم قرفة و لعصماء بأبشع الطرق و التين كل ما فعلتاه كان هو هجاء محمد فقط

خذ عندك رغبته في طلاق زوجته سودة والتخلص منها لما أسنت و لم ينقذها من الطلاق إلا أنها تنازلت عن ليلتها لعائشة

خذ عندك مثلاً فشل محمد في تحريم العبودية بل انه مات و خلف وراءه عشرين عبداً

خذ عندك غزوة بدر التي عملها محمد في الأصل بغرض سرقة و نهب أموال قريش

و القائمة تستمر

إذا كنت أنت ترى هذه الأشياء أخلاقية تماماً فأنا لا أراها كذلك
و أريد أن أقابل محمد صلعم نفسه لكي أسأله لماذا فعل ما فعل حتى أنه إذا كان عنده تبرير منطقي لها أسمعه منه و أفهمه



وهل فى شيطان يقول لا تقربو الزنى
او يقول الله محبه
__________________________________________________________
ألم تعرف بأن الشيطان من طباعه الكيد؟
يمكن عادي جداً أن يقول لك لا تقرب الزنى و المحبة و البطيخ لكي يغلف مشروعه الشيطاني بغلاف جميل براق
و يسممه من الداخل بتحليل الزنا للزوج (مغلفاً بغلاف تعدد الزوجات) و يهدم مظهره المسالم بجوهر من آيات "إنما المشركون نجس" و "قاتلوهم حتى لا تكون فتنة" و كل آيات الحرب و السيف


عملوها قبلك كتير
ولما درسو سيرته ودرسو بعقل محايد
مش اى دراسه
ناس منهم قالت انه من اعظم 100 شخصيه فى العالم
______________________________________________________________
ليس من رأى كمن سمع
آراء هؤلاء لم تعجبني و لم أقتنع بها و هناك الكثيرون غيرهم ممن يقولون رأياً معاكساً

أريد أن أراه بنفسي و اختبره بنفسي و أطلق حكمي بنفسي عشان أنا نفسي أقتنع بيه

كتيرة على الله لو عايز من كل قلبه يهديني؟


تحياتي
Post #26
1 reply
دار القراءة (Arab Open University) wroteon July 18, 2009 at 4:00pm
ألم تعرف بأن الشيطان من طباعه الكيد؟
========================
هو انتى مؤمنه ان فى شيطان؟؟
شفتيه
كلمك قبل كده
لمستيه
بايديك
عرفتى ازاى انه موجود
برجاء الافادة

وبعد موضوع الشيطان نكمل
موضوع صفيه وسوده وام قرفة

تحياتى
Post #27
Bronia Gaston replied to دار's poston July 18, 2009 at 4:05pm
هو انتى مؤمنه ان فى شيطان؟؟
شفتيه
كلمك قبل كده
__________________________
___________________
:)))
عزيزي أنا لست من المؤمنين بالشياطين
و إن كنت لو قرأت موضوع "هل هناك سحر" لكنت قرأت قولي بأنه من كثرة ما سمعت عن السحر و الشياطين فإنني أصبحت قابلة للتصديق بالشياطين أكثر من التصديق بالله الذي يفترض أنه خلقهم نفسه

على العموم الكلام هنا موجه أكثر للمؤمنين الذي يؤمنون أصلاً بوجود الشياطين و الكائنات الروحية و كل الأشياء الغيبية

أنا لا أظن بأي حال بأن محمد كان يوحي له أي شخص سواء شيطان أو ملاك
و لكنها بالنسبة للغيبيين قد تصلح احتمالاً جيداً :)


أرجو أن يكون ما تريد قوله بشأن صفية و أم قرفة ليس محاولة تبرير ما حدث مرة أخرى فقد قرأت كل المبررات الممكنة و التي تجدها أصلاً على صفحات هذه المجموعة

تحياتي

Comments

No response to “مفيش ربنا !!!!!؟؟؟؟؟”
Post a Comment | تعليقات الرسالة (Atom)